كلمات اغاني فرقة كلنا سوا

يوم اللي تغير العالم
كنت بتختي عم احلم
فقت مأخر متل العادة
فتحت عيوني عالجريدة
يوم اللي تغير العالم

يوم اللي تغير العالم
ما حدا منا قدر يفهم
شو اللي تغير شو اللي تبدل
كيف القصة رح تتحول
يوم اللي تغير العالم




**************************************


شباكك مطفي يا يما وقليبك مطفي
وشلون ابين بالعتم بس اجا ولفي
تقولي بس اكبر يا يما تقولي بس اكبر
عيوني تلم الليل تقولي بس اكبر
واقعد وانطر ليليه
اسمر يدق الباب
وبالغمزة يشفي
شباكك مطفي يا يما وقليبك مطفي
وشلون ابين بالعتم بس اجا ولفي
تقولي واشيلو يا يما تقولي واشيلو
بالرمش وجوا العين تقولي اشيلو
لو توصيلو حبيبي
يسهرني طول الليل
ما قول يكفي


***********************************

ارهابي وطالع عالطيارة مع رفقاتي
سلاحي غيتاري والحاني وكلماتي
فورا عرفوني من اول ما شافوني
طالعت الغيتار ووقفت بنص الطيارة غني

انا ارهابي لكن طيب بعزفلك قبل ما تموت
سماع اخر لحن بحياتك وحتسافر معنا مبسوط

كل اللي بالطيارة خافو من الموسيقا
خافو من صوتي وخافو من الحقيقة
اذا فني هلق صار يخليني ارهابي
رح غني باعلى صوتي.. انا ارهابي

انا ارهابي لكن طيب بعزفلك قبل ما تموت
سماع اخر لحن بحياتك وحتسافر معنا مبسوط

**************************************

عبد العظيم السلطان العادل
هو كريم بس ما منستاهل
حاكم العالم شو على بالو
والدنية كلها بتحلف بخصالو
بيحكي بالحسنى وبيحكي بالانسانية
بس شكلو ناوي... ناوي على نية

عبد العظيم السلطان العادل
هو كريم بس ما منستاهل
عينو علينا وحاططنا ببالو
وجاية لعنا هوي ورجالو
داير يدور عالارهابيين
ما عدنا نعرف الارهابي مين


*********************************

وصلو العسكر ، غني يا امي ، ورشي ورد وغار
عاللي جابو معهن الحرية من بلد الاحرار
لا تقولي هدمو بيوت
لا تقولي قتلو بشر
كلنا رح نموت
والحرية صارت قدر
يا أمي.. وصلو العسكر

وصلو العسكر غني يا أمي وقولي ميجنا
عاللي جاية يعمر بلادنا ويزرع ارضنا
لا تقولي نهبو الارض
لا تقولي حرقو الشجر
رشيهن بالورد
حريتهن صارت قدر
يا امي وصلو العسكر


**************************************

عمجرب الفت نظرك وفهمك يلي صار
عن بلد احترقت كلها وبعدها تحت الحصار
يا ترى كنت بتعرف شايف حجم الدمار
لما الارادة اجتمعت واخدتو القرار
بتمنى تكون مقدر وبتعرف عالاكيد
شو يعني طوايف وشرق اوسط جديد
بلكي بخبر قبورهن وببشرهن عالعيد
انه المستر طلع بيعرف وحاسبها لبعيد
شو بدك تحكي بكرة الكتب والسطور
خربتها وقسمتها بس عملت دستور
دستور بينفع تلبسه او تاكله عالسحور
وبتضوي فيه عتم الغرفة لما بيقطعو النور









الناس اللي ماتت عالطرقات اعدادهن صارت بالميات
ببلد لابس لون الرماد لشو كل هالشي
قللو انو في عصر جديد رح ندفع ثمنه نار وحديد
بالاخر بتلون اكيد اصبعتك بنفسجي
يالله ما احلى لونه نساني الدنية وهمومي
بيستاهل كرماله يموتو اهلي اخواتي وعمومي


هاللون البنفسجي


مزوق هاللون المستورد احلى من الاحمر والاسود
ياريتك عايش يا اسعد مالك حظ تشوف وتشهد


اصبعتك بنفسجي


المدهش بكل الموضوع لما بتعرف انك مخدوع
بتلحس اصبعتك وقت بتجوع واللون بيختفي
هالاصبع بالمية مية صبغولك ياه هالحرمية
يعني القصة هية هية ما رح يتغير شي
عم بيقولو بالاذاعات كرمال عيون الزعامات
رح منساوي انتخابات حتى لو بسببها مات


وتدمر كل شي


تركلي اللحمة وكول الفول واوعا تسال عالبترول
وانسا القاتل والمقتول ووقف بالطابور وقول
اصبعتي بنفسجي... اصبعتي بنفسجي


**************************************


نايم على شط البحر ورجالو حولو
الشمس بتتخبى بامر الناس بتركعلو
اصواتهن للي ماتو من البحر بتنادي
اذا بتدقق بتشوف وجوهن والايادي
مجرب حرب.. بارواح بيلعب
من دم البشر بيسقي رجالو وهو بيشرب
مجرم واعي.. والمجزرة منقولة الليلة على بيتك
بالقمر الصناعي


نايم على شط البحر ونسوانو حولو
شقرا بتسرح شعرو وسمرا بتضحكلو
الموج بيطلع وبينزل مع حركة ايدو
الريح انوجدت لتنفذ كل اللي بيريدو
اجا وقت اللعب .. وفتحولو الخريطة
اختار من المنطقة حارة بقلمو صار يحيطا
مجرم دارس.. واول مين بيعلن حربو عليه
اطفال المدارس


نايم على شط البحر وولادو حولو
على ايدو علامة نصر بس جوعو قتلو
ماتو ولادو الكبار وبقيو تنين صغار
جنازتهن بتشوفا الليلة
بنشرة الأخبار



***********************************


جرب شي مرة تدرس الأخبار
من اي نشرة وعكل الأقمار
بيشتركو بلعبة وحدة.. لعبة الكلمات
وعندن مية طريقة
ليخبو النص التاني من كل الحقيقة


مرة بيقولو استشهد .. مرة بيقولو مات
مرة بيقولو توفى.. او فارق الحياة
مرة بيقولو حكومة ومرة بيقولو نظام
ومرة بيقولو الشارع ومرة اسمو الراي العام


بتحس المصدر مصدر واحد
شي دولة عظمى او حزب معارض
وهنن نفسن مهما اخترعو القاب
وبهالنشرة بيقولو عنن ضحايا
وبهالنشرة صارو ميليشيات وسرايا


مرة بيقولو مجاهد مرة بيقولو ارهاب
ولازم المذنب يطلع لابس كوفية وجلباب
مرة بيقولو تحالف مرة اسمو احتلال
واللي مبارح كان تطرف بكرا اسمو اعتدال
واللي عم يبني مفاعل .. ملفو تحت الاضواء
وصاحب اطنان القنابل.. ما منشوفو بالانباء
واذا فتيشة بيصرعونا.. عاللي صار بتل ابيب
واذا بغداد احترقت كلها .. مارح تدرى يا حبيب



************************************


لو تعرفو بيّون هون ولد هون اندفن
عمر هالدار وراح ما ترك وصية للعلن
وبتشهد حجارو يللي مجبولة بحلم
رح يبقى هالبيت العتيق متربع بصدر الزمن
ولادو اجتمعو بالدار بعد ما الاب ارتحل
كل واحد بعيونو سؤال عن بين ما حدا سأل
شو اللي بيطلعلي وشو اللي بيطلعلك الك
وقتا صار اول شرار ومن بعدا شعلت نار
الأول قرر انو ياخد كل شي وبيعتبر انو حقو انهضم
والتاني عم يحاول يقنع الكل انو من حقو الدار
هاد يلي بدو يبيع ويمشي ما بيهمو لو بيتو انقسم
كل نهار نفس الحوار بيبشر بانفجار



***************************************


يا ترى شفت قدسيا وانسيت قلبك عباب السرفيس
يا ترى فلست شي مرة وصرت من الفقر قديس
يا ترى طليت من شباك فايق ع جبال لبنان
وبعد الفنجان الألف لقيت الحلو نعسان
يا ترى شفت جمعة عزا والميت نهر
بالشام نحنا جمعة عزا والميت نهر
نشيع الهوا بورق الحبق نشيع الحزن بكاسة عرق
نشيع الضجر بشدة ورق ونحنا الحبق
ونحنا العرق ونحنا الورق
ونحنا كل شي جاية من المطر
وكل شي في بخور انحرق


***********************************



كل يوم بقول انو بكرة رح بيكون احسن بشوي
بس شوي بكفي شوي
كل يوم بقول انو بكرة رح يتغير شكل الحي
وبعده الحي هو الحي
شو بدك تحمل يا بكرة لتحمل الله يحمل معك
امال الناس يلي ما بتقدر الا تلجأ الك
الاب اللي عم يسال حتى قالو مجنون
ما بيعرف ابنه وينه ميت ولا مسجون
الشباب الي عم بيهاجر وضجر الامهات
ولا اللي بعده ناطر عبواب السفارات
شو بدك تحكي مهما تحكي مافي مين يسمعك
بتحس انك بارضك منفي والهوا عم يخنقك
ضايع بزمن الحرب بتدور على هوية
جرفتها ريح الغرب ... ريح الغرب القوية
الريح اللي سرقت اسمك وما بتعرف انت مين
انت مجرد رقم وطابع وصورة عاليمين
كل يوم بقول بتمنى بكرا انو يكون اسوأ بشوي
بس شوي بكفي شوي
كل يوم بقول يا رب ما يتغير شكل الحي
ويبقى الحي هو الحي


**************************************

الله خلق هالدنية وقسمها على تنين
وقت بتشرق عالاول بتغرب ع التاني العين
ونحنا اللي بيناتن عايشين على حسناتن
عم نشقى ونركض وما عم نحلق نسد الدين

شرق وغرب
نحنا وين عايشين بالدين
سكابا يا دموع العين

الأول عندو نار والتاني عندو حديد
علقت بيناتن بالماضي وصارت تقيد
تصافو بعد العلقة .. وبآخر الحلقة
طلعنا نحنا الهدية وصرنا خاروف العيد

شرق وغرب
عيد سعيد الله يبارك ويزيد
راحت ع العيد .. والعيد بعيد

نحنا منعرف انو الارض مدورة وبتدور
طب ليش كلن عم يدورو ونحنا ما عمندور
ما عم نلحق نركب .. ولا ما عم نلعب
ولا عجبتنا الفرجة وما عاد في النا دور

********************************

عجل قوام يا عبد السلام .. سهرتنا سهرة فوق الكلام
السهرة الليلة في صالون المدام .. عجل قوم يا عبد السلام

السهرة حلوة واللمة كبيرة .. فيها النشترية واعيان الديرة
البعض مفرفش .. والبعض محشش
والكل بدو .. رضا المدام

عطر هدومك الله يديمك .. والبس جديدك واترك قديمك
عسى المدام .. تكون نديمك
ويمكن يا عبدو .. تحبك المدام

هناك حتلاقي راجي ومطيع .. راحو الصالون وسبقوا الجميع
اخدو مكانهم ويا نيالهم .. وشربو المدام من ايد المدام
والله يا عبدو هالشغلة مو تمام .. اوعا تتهور يا عبد السلام
وما بدك هالسهرة .. بصالون المدام


**********************************

سما نايمة وعم تحلم بنجمة او لعبة
والدنية عم تغلي بره ما فينا نخبي
بتعرف تضحك ومالا سنان ما بتفهم بحقوق الانسان
والمجلس قرر يحاصرها وهية عم تحبي

سما ملت لاني قالب عالجزيرة
ما عمتفهم معنى التقرير يمكن لسه صغيرة
عم تطلع عالتلفزيون من رفقاتها يمكن مليون
ماتو التقرير الماضي وهي هية السيرة

سما مو خرجها عقوبات لانها حساسة
ما بتحب تشوف الناس اللي عم بتقاسي
وما بتتحمل منظر الجنود وعالم حولها عم بتموت
اصلاً هي ما بتدخل باي شي سياسي

سما تعلن للمجلس انه بدها تنام
وتعلن مسؤوليتها عن كل الاحلام
وبتوعدكن اذا ما صار والمجلس فك عنها الحصار
رح تتعاون وتشرب حليباتها بكل الأيام


***********************************

صواتهن جاي من بعيد من خلف المدى جاية
حجر بينده للايد رح نبقى للنهاية
هادا صوت الارض
قلوبهن صديقها الموت وعيونهن عم تطلع
غضب سنينهن والوقت خلا نظرتهن توجع
هاد حقد الارض

بليل مجروح نايم هالولد بيحلم بتخت وبيت وبشوية بلد
فاق عصوت بعيد جاية من السما شوية بيعلى وبيزيد وبتشعل هالسما
مثل مبارح من هلق ورايح كل يوم طبعا في قصف
مهما القصف يزيد ويزيد الصدى
هو تعود ما يخاف ولا يسأل حدا
شاف الموت صغير وصار يتقبله ما عاد تفرق كتير بالنسبة الو
تعلم يكره وصار بيشبه يلي كل يوم بيقصفو
صار بدو يكبر ليقدر يثأر ليلي ماتو وهنن بين ايديه
اذا كنت مفكر انو ما رح يتذكر بكرة بتواجه يلي مراهن عليه
عم تزرع موت وتزرع كراهية فكر لبكرة لما بيجي الحصاد
اطفال الموت ملو دور الضحية وما كنت تمل تلعب دور الجلاد
ميزان الضعف رح يجي يوم ويتبدل وقتها الولاد ما عاد يكونو ولاد
واجيال الموت بكرة ما عادت تقبل انك تتجبر وهي بايدها الزناد
هي القذائف عمتصنع مستقبل .. مستقبل اسود ناطر تحت الرماد
وتيار العنف رح يجرف اللي تأثر او يللي هادن او وقف عالحياد

***********************************

تارك كل شي .. ورايح عالجنوب
لعندك ماشي .. ماشي عالجنوب

كل الطرقات التانية مسكرة
عرفنا الحقيقة لكن وصلتنا مأخرة
ووحدو طريقك باقي مفتوح
ماشي لعندك .. صوبك بدي روح

تارك كل شي .. ورايح عالجنوب
لعندك ماشي .. ماشي عالجنوب

تارك احلام الماضي والكلام
تارك اوهام الضعف اللي بيعمل سلام
والحقيقة مافيها اوهام
وحدا القوة اللي بتعمل سلام


***************************************

كل يوم بقول انو بكرة رح بيكون احسن بشوي

بس شوي بكفي شوي
كل يوم بقول انو بكرة رح يتغير شكل الحي
وبعده الحي هو الحي
شو بدك تحمل يا بكرة لتحمل الله يحمل معك
امال الناس يلي ما بتقدر الا تلجأ الك
الاب اللي عم يسال حتى قالو مجنون
ما بيعرف ابنه وينه ميت ولا مسجون
الشباب الي عم بيهاجر وضجر الامهات
ولا اللي بعده ناطر عبواب السفارات
شو بدك تحكي مهما تحكي مافي مين يسمعك
بتحس انك بارضك منفي والهوا عم يخنقك
ضايع بزمن الحرب بتدور على هوية
جرفتها ريح الغرب ... ريح الغرب القوية
الريح اللي سرقت اسمك وما بتعرف انت مين
انت مجرد رقم وطابع وصورة عاليمين
كل يوم بقول بتمنى بكرا انو يكون اسوأ بشوي
بس شوي بكفي شوي
كل يوم بقول يا رب ما يتغير شكل الحي
ويبقى الحي هو الحي



**************************************


الله خلق هالدنية وقسمها على تنين
وقت بتشرق عالاول بتغرب ع التاني العين
ونحنا اللي بيناتن عايشين على حسناتن
عم نشقى ونركض وما عم نحلق نسد الدين


شرق وغرب
نحنا وين عايشين بالدين
سكابا يا دموع العين


الأول عندو نار والتاني عندو حديد
علقت بيناتن بالماضي وصارت تقيد
تصافو بعد العلقة .. وبآخر الحلقة
طلعنا نحنا الهدية وصرنا خاروف العيد


شرق وغرب
عيد سعيد الله يبارك ويزيد
راحت ع العيد .. والعيد بعيد


نحنا منعرف انو الارض مدورة وبتدور
طب ليش كلن عم يدورو ونحنا ما عمندور
ما عم نلحق نركب .. ولا ما عم نلعب
ولا عجبتنا الفرجة وما عاد في النا دور



عجل قوام يا عبد السلام .. سهرتنا سهرة فوق الكلام
السهرة الليلة في صالون المدام .. عجل قوم يا عبد السلام


السهرة حلوة واللمة كبيرة .. فيها النشترية واعيان الديرة
البعض مفرفش .. والبعض محشش
والكل بدو .. رضا المدام


عطر هدومك الله يديمك .. والبس جديدك واترك قديمك
عسى المدام .. تكون نديمك
ويمكن يا عبدو .. تحبك المدام


هناك حتلاقي راجي ومطيع .. راحو الصالون وسبقوا الجميع
اخدو مكانهم ويا نيالهم .. وشربو المدام من ايد المدام
والله يا عبدو هالشغلة مو تمام .. اوعا تتهور يا عبد السلام
وما بدك هالسهرة .. بصالون المدام



**********************************


سما نايمة وعم تحلم بنجمة او لعبة
والدنية عم تغلي بره ما فينا نخبي
بتعرف تضحك ومالا سنان ما بتفهم بحقوق الانسان
والمجلس قرر يحاصرها وهية عم تحبي


سما ملت لاني قالب عالجزيرة
ما عمتفهم معنى التقرير يمكن لسه صغيرة
عم تطلع عالتلفزيون من رفقاتها يمكن مليون
ماتو التقرير الماضي وهي هية السيرة


سما مو خرجها عقوبات لانها حساسة
ما بتحب تشوف الناس اللي عم بتقاسي
وما بتتحمل منظر الجنود وعالم حولها عم بتموت
اصلاً هي ما بتدخل باي شي سياسي


سما تعلن للمجلس انه بدها تنام
وتعلن مسؤوليتها عن كل الاحلام
وبتوعدكن اذا ما صار والمجلس فك عنها الحصار
رح تتعاون وتشرب حليباتها بكل الأيام



***********************************


صواتهن جاي من بعيد من خلف المدى جاية
حجر بينده للايد رح نبقى للنهاية
هادا صوت الارض
قلوبهن صديقها الموت وعيونهن عم تطلع
غضب سنينهن والوقت خلا نظرتهن توجع
هاد حقد الارض


بليل مجروح نايم هالولد بيحلم بتخت وبيت وبشوية بلد
فاق عصوت بعيد جاية من السما شوية بيعلى وبيزيد وبتشعل هالسما
مثل مبارح من هلق ورايح كل يوم طبعا في قصف
مهما القصف يزيد ويزيد الصدى
هو تعود ما يخاف ولا يسأل حدا
شاف الموت صغير وصار يتقبله ما عاد تفرق كتير بالنسبة الو
تعلم يكره وصار بيشبه يلي كل يوم بيقصفو
صار بدو يكبر ليقدر يثأر ليلي ماتو وهنن بين ايديه
اذا كنت مفكر انو ما رح يتذكر بكرة بتواجه يلي مراهن عليه
عم تزرع موت وتزرع كراهية فكر لبكرة لما بيجي الحصاد
اطفال الموت ملو دور الضحية وما كنت تمل تلعب دور الجلاد
ميزان الضعف رح يجي يوم ويتبدل وقتها الولاد ما عاد يكونو ولاد
واجيال الموت بكرة ما عادت تقبل انك تتجبر وهي بايدها الزناد
هي القذائف عمتصنع مستقبل .. مستقبل اسود ناطر تحت الرماد
وتيار العنف رح يجرف اللي تأثر او يللي هادن او وقف عالحياد


***********************************


تارك كل شي .. ورايح عالجنوب
لعندك ماشي .. ماشي عالجنوب


كل الطرقات التانية مسكرة
عرفنا الحقيقة لكن وصلتنا مأخرة
ووحدو طريقك باقي مفتوح
ماشي لعندك .. صوبك بدي روح


تارك كل شي .. ورايح عالجنوب
لعندك ماشي .. ماشي عالجنوب


تارك احلام الماضي والكلام
تارك اوهام الضعف اللي بيعمل سلام
والحقيقة مافيها اوهام
وحدا القوة اللي بتعمل سلام




ملاحظة: هذي الفرقة تغني فيها الرائعة سونيا البيطار
***************************************

يســـــــــــلمـــــو يعطيك الف عافيه :)

يسسسسسسسسسسسلموا على الكلمات

ربي يسلمكم من كل شر

نورتو يا حلوين

موضوع رائع شكرا لك

العفو يا حلوة

شكرا لكِ غاليتي
تقبلي مروري

ثانكس ع المرور

يعطيكي الــــــــــف عافيــــــــــه

سلمـــــت يمناااك

الله يعافيك..
تسلم ع المرور الحلو

يسسلمون قلبي على الموضووع الاكثر من رائع
تقبلي مروري و بنتضار جديد ابداعاتك بفارغ الصبر

الله يعافيك
شكرالكم جميعا على المرور

يسلمك ربي من عذابه
مشكورة ع المرور

يسلمك ربي من عذابه
مشكورة ع المرور

شكرا على الموضوع المميز

العفو يا بطة ^ ^

بطة؟؟؟

اجل خلاص ياعسل ^ ^ هع

موضوع حلو اكتييير

تحياتي

نورتي ريمآآس ..