مو كل صديق يكون صادق وياك

مو كل صديق يكون صادق وياك
ولا كلمن يهجرك تعتبره يخـــون

... ... أكو صديق يبيعك وانته يمــــــــه
واكو صديق لكلمه صداقه يصون
كلشي مر بدنيتي اعتبرته تجارب
من صداقة وخيانه وحب مجنــــون
من ضمن التجارب كلمة صداقــــة
حبيت ابينهه باحساس وشعر موزون

هيه هاي الدنيه هيج ويانه صارت
بيع وشره وارباح وبيهه يكثر الزبون
بس منو الي يدفع سعر بالصداقة
ومنو الي من كلبه ينطي العربون
مرات احس الدنيه صدك دوارة
لان بيهه يهجرك وبيهه يدخل سجون
بس مرات اشوف يصير العكس وياي
تلكه بالسجن ارحم من اليهجرون
وأكو صديق يتعبك بالحياة هواي
تجيبه الك عون ويطلع تاليهه فرعون
وين ياربي نلكه صديق يوافي ألنه
وين بأي بلد وبأي مكان يكون
عندي اصدقاء ابد مايعجبني ملكاهم
بس هم عندي فوك الراس ينحطون
ومرات الكه صديق شكد جنت اكرهه
لان دمر حياتي وجان بصداقته ملعون
لازم نحسب لكل خطوة النه حساب
حتى مانوكع بدنيه ماالهه مضمون
أريد أطلب طلب ابسط منه ماكو
أريد اعاشر صديق يكون الي عيون
صديق ينسيني همي وكل عذابي
يكون ايدي اليمنى واني منه ممنون
لازم للصداقة احنه نحط عنوان
ننطيهه محبة واخلاص مثل ماينطون
ماريد الي يضهر بالجذب عطفه
والي يكول احبك ويكون حنون
شكد انجوي من طعنات اصدقائي
وأكول انساهم بس أبد ماينسوون
احس بكلشي بالدنيه يتغير وياي
واحس بالصداقة مو كلهم يصدقون
ماريد اصدقاء يعتبروني مثل قماش
ويفصلون بيه بكيفهم وشلون مايردون
مرات اشوف اشخاص من نضرة وحده
يتعلق بيه ويكون يحبني بجنون
أي هوه هذا الصديق الي يستاهلك
مو مثل الي ويه الوكت يتغيرون