أحتاج إلى شخص مجرب .. في الحياه .. ينصحني ..

............................................

شكرا ..

الصراحة مش عارفة بشو بدي ابدى

اول ما دخلت المنتدى اقصد اليوم وشفت اسمك لفت انتباهي ما بعرف ليش

ولما دخلت موضوعك قلت بدي اقراه كلو بدي شوف شو سبب هل تعاسة كلها

ولما قرات موضوع بالكامل حسيت فيكي ودمعت ....بتعرفي ليش ؟؟



بس لما قرات مقدمة الموضوع او الموضوع كلو وخاصة لما قلتي

اللهم إجعل القرآن نور صدرنا وجلاء لأحزاننا وذهاب همومنا وغمومنا .. وإجعل الجنه هي دارنا ومأوانا .. وإجعل قلوبنا تشتاق إليك أكثر من أي شيء .. يارباااه ..
يعني في ناس خلص لما تحزن بتحاول تنتحر وما بعرف شو بس انتي رغم احزانك وفقد لي الامل مثل ما قلتي بس انا حسيت انو انتي ما فقدتي الامل من الله وهاد اهم شي لتقبى صامدة رغم كل شي



وبعدين عن قصة الوحدة ولله انها كثير صعبة خاصة لما ما تلاقى حد يكون خرج تحكي معو وتقولي الو كل شي بس بدون ما يوخذ الحكي تاعك بطريقة ما بعرف بشو بدي اوصفها وبجوز كمان يصير يضحك عليكي وصعب تلاقى شخص تجدي فيه الصفات كاملة عشان تقولي له مثل انو يكون بحفظ السر و ويوخذ الحكي بدون مصخرة وغيرو



وانك تفشلي بكل شي هاد امر شي



والصداقة انك ما تلاقى منها غير انها بتكون لي مصلحة وغيرة بعطي شعور انك ما توثقي بحد



والحب اخخ منو انك تحبي ما تقدري تقولي لاي حد وتخفي مشاعرك ولمدة طويلة شي صعب كمان

وبتكوني ما بدك تحكي لانو بتخاف حد يضحك عليكي وهيك



ولا وكمان تعرفي انو بحب وحدة ثانية كمان مصيبة اكبر واكبر







انا فوق قلت

ولما قرات موضوع بالكامل حسيت فيكي ودمعت ....بتعرفي ليش ؟؟



ليش؟؟؟

لانو حسيت هاد الموضوع انو انا الي كتبته مش انتي

انك تقبى عايشة وحيدة دائما وانا مجربة هاد والشي ولحد الان وبحزن لهاد الشي بس بعدها بقول انو الوحدة احسن لي من اني اجلس مع ناس تعكر لي حياتي ومزاجي وتذكري انو الله دائما معك وانتي مش وحيدة ومابدك هاي البشر الي ما بجي منها غير الحزن ومشاكل .الخ





والصداقة انا لحد الان مش عارفة الاقي الصديقة الصادقة معي بس منشان المصحلة وبس

وبحزن وببكي وما بحب قول لحد بس برجع بحكي لحالي انو هدول كلهم ما بستحقوا يكونوا اصدقاء لي وما بدي يكون اعز الناس لي صفاتهم الغدر والغير وغيرها



والحب

انا ما بدي قول لك قصت حياتي بس الانسان لما يلاقى حد بشبهو بحياة بتونس فيه

بس انا حبيت مدة سنتين وما عرف او دري فيني حد لانو خفت (السبب الي قولتيه انتي)
والمصيبة الاكبر انك تعرفي انو بحب وحدة ثانية وهاد كلو صار معي



بس الحل صعب كثير هوا النسيان ونا هيك عملت حاولي مرة و2 و3



انا استمريت 2 ونا بحاول انسى بس بالنهاية نجحت



واهم شي تكوني قوية ما تخلي حد ياثر فيكي

ولا تهتمي لحد وانسي كل شي



غيري نظرتك للحياة

في الحقيقه لا أدري ماذا أقول لك .. ولكن أشعر بأنك أنتي أيضا .. حزينه مثلي .. ولكن كيف أنسى كيف .. لحظات عشتها بحياتي ووضعتها بقلبي مستحيييل أنساها .. إذا كنت بقدر أنسي كان ماعشت طول هذا العمر كله حزن .. لو أن كل هموم الدنيا كانت علي ونسيتها كنت الآن أسعد إنسانه ولكن للأسف لا أستطيع نسيان حتى لحظه واحده بها .. ولكنني حقا .. أشكرك على كل ما قلتيه لأن كل ماقلتيه دخل في قلبي .. وقرأت كل ما كتبتيه ولثلاث مرات حتى أستشعر بمدى قوة كلماتك .. حقا إنني أشكرك .. ولكن الله المستعان .. وبقدر دموعك يا الغاليه .. ولكنني حقا أنا إنسانه لا أستحق دموعك ..

سأصارح وأقوول إني خجلت لأنني وضعت هذا الموضوع وددت أن أحذفه .. ولكني حقا أريد نهايه لحياتي الكئيبه هذه .. لذا سأصبر قليلا وأرى إذا كان هناك حل أو في إلى الحياة الكئيبه والمره هذه .. دائما .. أشكرك كثيرا يا خيتي الغاليه على كلامك ومصارحتك .. حقا إنني أقدر كل كلمه قلتيها الآن ..

ما تحكي انك ما رح تقدري انت بتقدري



اها لا العفو ما عملت شي

وشكرا لك

إن شاء الله بقدر .. علعموم نورتي الموضوع يا خيتي ...

يسلمو عالطرح المميز