يدري حبيبي

.يدري حبيبي بالهوى أول وتالي
ويدري حبيبي ماخذ الحب كله
تبرا جروحي يوم اشوفه قبالي
واسلى عن هموم (ن) نخت كل عله
انا اشهد اني له وهو لي حلالي
حبه سطى بالقلب وبالهون تله
مير البخت عيا يتمم وصالي
عاند وفرق بين خل (ن) وخله
دارت علينا وفرقتنا الليالي
وكل (ن) غدى يبكي على ما حصله
عزي لمن مثلي يفارقه غالي
يكثر بكاه وكل واحد يمله
وعزي لمن مثلي كوته الليالي
ما عاد يفرق بين شمسه وظله
الحب حبه مكسبي وراس مالي
والدرب دربه عقبه ما حدن يدله
قولوا له انه وسط قلبي ومالي
في حب غيره .. قله يا فلان قله
اموت لا جيت بمكانه لحالي
عقبه ترى ياشين دربه ومحله .

بارك الله فيك